Prazo: Ata o 23 de febreiro de 2026
Descrición:
A concesión, en réxime de concorrencia competitiva, de axudas a proxectos colectivos para a protección e recuperación da biodiversidade e dos ecosistemas mariños mediante a recollida de residuos e de arribazóns de algas que poden afectar aos bancos marisqueiros, coa participación das persoas pescadoras e mariscadoras, no mar e nas praias.
Beneficiarios:
Poderán ser persoas beneficiarias das subvencións as confrarías de pescadores, organizacións de produtores pesqueiros, cooperativas do mar, e demais entidades asociativas xuridicamente recoñecidas e constituídas por persoas pescadoras ou mariscadoras. As entidades serán sen ánimo de lucro, e terán ámbito territorial e a sede social na Comunidade Autónoma de Galicia.
Requisitos principais:
- Presentar un proxecto colectivo centrado na recollida de residuos ou arribazóns de algas que afecten aos bancos marisqueiros.
- A participación activa de persoas pescadoras e mariscadoras é obrigatoria.
- Cumprir as obrigas administrativas, contables e de xustificación establecidas na orde.
- Manterse ao día coas obrigas tributarias e coa Seguridade Social.
- Non ter pendentes obrigas por reintegro doutras subvencións.
- Executar o proxecto no marco temporal e territorial establecido
Orzamento:
O crédito orzamentario para as solicitudes de axuda tramitadas durante o exercicio do ano 2026 e a plurianualidad asociada alcanza o importe dun millón douscentos setenta e cinco mil euros (1.275.000 euros)
Características da axuda:
- Subvención para proxectos de protección ambiental e recuperación de ecosistemas mariños.
- As actuacións deben centrarse na retirada de residuos mariños ou recollida de arribazóns de algas.
- As entidades poden concorrer individualmente ou en agrupación.
- Subvención sometida a concorrencia competitiva, valorándose segundo os criterios establecidos na orde.
Xustificación e pagamento:
- A xustificación material e económica debe realizarse segundo os prazos e condicións da orde reguladora.
- O pagamento está condicionado ao cumprimento completo do proxecto, así como das obrigas legais e administrativas.
- A presentación das solicitudes farase por vía electrónica a través da sede da Xunta de Galicia.
Ligazón: ORDE do 23 de xaneiro de 2026
GL_ES 
ES