Prazo: ata o 02 de febreiro de 2026
Descrición: axudas da Consellería do Mar para proxectos de rexeneración que melloren a produtividade dos bancos marisqueiros con problemas de perda de produción e contribúan á xestión e conservación sustentable dos recursos mariños. Tramitadas como anticipadas de gasto, código PE209H.
Beneficiarios: confrarías de pescadores, organizacións de produtores, cooperativas do mar, asociacións de profesionais e demais entidades asociativas recoñecidas, titulares de plans marisqueiros en réxime de coxestión e con sede en Galicia.
Requisitos principais:
- Estar ao día coas obrigas tributarias e coa Seguridade Social.
- Non ter pendente de pagamento ningunha obriga por reintegro de subvencións.
- Manter contabilidade separada e conservar documentación durante 5 anos.
- Non ter iniciado a actuación antes da solicitude.
- Dar publicidade ao financiamento público.
Orzamento:
- 300.000 € para 2026, con fondos propios da Xunta de Galicia.
- Máximo por proxecto: 15.000 € (sen IVE); máximo por unidade de semente: 0,020 € (sen IVE).
Características da axuda:
- Ata o 100 % do investimento subvencionable.
- Subvencionables: adquisición de semente de especies marisqueiras de criadeiro, en zonas con perda de produción constatada.
- Non subvencionables: alugamentos, adquisición de terreos, material de oficina, vestiario, gastos de funcionamento, IVE (salvo excepcións), custos indirectos, etc.
Xustificación e pagamento:
- Gastos realizados e pagados entre a data da solicitude e o 31 de outubro de 2026.
- Presentación obrigatoria por vía electrónica.
- Posibilidade de anticipo de ata o 50 % da axuda, con garantía.
Ligazón: ORDE do 18 de decembro de 2025
GL_ES 
ES