A Consellería do Mar remitiu as súas achegas á consulta pública aberta por Bruxelas sobre a pesca sustentable na UE, esixindo que o cumprimento dos obxectivos de sustentabilidade por parte da frota galega se traduza en estabilidade de cotas e seguridade xurídica para 2027. Galicia, que ostenta este semestre a representación de todas as comunidades autónomas no Consello de Ministros Agrifish da UE, defende o recoñecemento explícito do Golfo de Biscaia e as augas ibéricas como modelos de referencia en xestión responsable, e esixe evitar recortes automáticos de cotas cando a falta de recuperación de stocks obedeça a factores ambientais ou á actividade non declarada de terceiros. (…)

A conselleira do Mar, acompañada da presidenta de Portos de Galicia, reuniuse con representantes da Sociedade Cooperativa Galega de Mexilloeiros de Galicia (Socomgal) para abordar as infraestruturas e obras portuarias previstas en Moaña. Na reunión revisouse a situación administrativa das instalacións que emprega a cooperativa para a descarga e pesaxe do mexillón —caseta e báscula do peirao— e o estado das actuacións previstas en Domaio e Moaña. (…)

A Confraría de Pescadores da Coruña levou a cabo unha nova sembra de ameixa babosa (Venerupis corrugata) na ría do Burgo co obxectivo de recuperar a biomasa e consolidar a actividade extractiva nos seus bancos submareais. A intervención realizouse ao abeiro dun proxecto de restauración e conservación financiado pola Consellería do Mar a través das súas axudas destinadas á biodiversidade mariña. (…)