O presidente da Xunta, Alfonso Rueda, destacou na XXVII Feira Conxemar, celebrada en Vigo o 6 de outubro de 2026, o papel deste evento como escaparate internacional da capacidade pesqueira, industrial e transformadora de Galicia. Subliñou que a feira contribúe a reforzar a posición de Vigo como centro de referencia dos negocios marítimos globais e lembrou que Galicia concentra o 34 % das empresas españolas de transformación de produtos pesqueiros e o 48 % da facturación do sector. (…)

A conselleira do Mar, Marta Villaverde, participou o 9 de outubro en Foz (Lugo) na clausura das XII Xornadas de Reflexión sobre a Pesca Artesanal do Cantábrico Noroeste, organizadas pola Federación Provincial de Confrarías de Pescadores de Lugo. No encontro destacou a importancia da frota artesanal para a economía e a cohesión social das comunidades costeiras, defendéndoa como un modelo ligado á transformación, ao futuro e á sustentabilidade. (…)

A conselleira do Mar, Marta Villaverde, reuniuse en Vigo con Carmen Ivelise del Sacramento Neto, ministra de Pesca e Recursos Mariños de Angola, durante a estadía dunha delegación angolana en Galicia con motivo da feira Conxemar. O encontro, ao que tamén asistiron o director xeral de Pesca, Acuicultura e Innovación Tecnolóxica, Isaac Rosón, e a delegada da Xunta en Vigo, Ana Ortiz, centrouse nas posibilidades de colaboración en xestión sustentable de recursos pesqueiros, investigación mariña, formación marítimo-pesqueira e acuicultura. Galicia conta cunha longa traxectoria de cooperación con países africanos a través das súas frotas de altura, que faenan en augas do Atlántico centro-oriental, e este tipo de encontros reforza os vínculos institucionais que facilitan esa actividade.. (…)