Prazo: ata o 02 de febreiro de 2026.
Descrición: axudas da Consellería do Mar para proxectos colectivos, cofinanciados polo Fondo Europeo Marítimo, de Pesca e de Acuicultura (FEMPA), destinados á restauración da biodiversidade e dos ecosistemas mariños mediante medidas de conservación no marco de actividades marisqueiras sustentables. Código PE209B.
Beneficiarios: confrarías de pescadores, organizacións de produtores, entidades asociativas do sector, federacións e entidades sen ánimo de lucro integradas polas anteriores, con sede en Galicia.
Requisitos principais:
- Estar ao día coas obrigas tributarias e coa Seguridade Social.
- Non ter pendente de pagamento ningunha obriga por reintegro de subvencións.
- Manter rexistros contables independentes e conservar documentación durante 5 anos.
- Non ter iniciado a actuación antes da solicitude.
- Dar publicidade ao financiamento europeo e organizar xornada informativa.
Orzamento:
- 1.900.000 € (2026: 1.000.000 €; 2027: 900.000 €).
- Cofinanciamento: 70 % FEMPA, 30 % Xunta de Galicia.
- Máximo por proxecto: 75.000 € (sen IVE).
Características da axuda:
- Ata o 100 % do investimento subvencionable.
- Subvencionables: restauración de biodiversidade, restauración de ecosistemas mariños, adquisición de equipos e material, contratación de servizos, adquisición de semente de especies autóctonas, labores de restauración realizadas por mariscadores asociados (ata 20 % do orzamento).
- Non subvencionables: alugamentos, adquisición de terreos, material de oficina, vestiario, gastos de funcionamento, IVE (salvo excepcións), custos indirectos, etc.
Xustificación e pagamento:
- Gastos realizados e pagados entre o 1 de xaneiro de 2026 e o 15 de setembro de 2027.
- Presentación obrigatoria por vía electrónica.
- Posibilidade de anticipo de ata o 50 % da axuda, con garantía.
Ligazón: ORDE do 16 de decembro de 2025
GL_ES 
ES