Axudas para a execución de accións de promoción exterior das empresas galegas (Galicia Exporta Empresas 2025)

Prazo: Ata o 30 de setembro de 2025 ás 14:00 horas
Descrición: Esta convocatoria ten como obxectivo apoiar e incentivar accións de promoción exterior que melloren a competitividade das empresas galegas e reforcen a súa presenza nos mercados internacionais. As actuacións subvencionables inclúen:
- Promoción internacional (feiras, eventos, misións comerciais).
- Márketing e comunicación internacional.
- Prospección en mercados internacionais.
- Operatividade da internacionalización.
- Dixitalización para a internacionalización.
Beneficiarios: Empresas, incluídos autónomos, que cumpran coa definición de peme e teñan un centro de traballo en Galicia con, polo menos, un traballador por conta allea na data de publicación das bases. Tamén startups con certificación de Enisa en vigor e empresas constituídas con menos de 42 meses de antigüidade.
Requisitos:
- Presentar un proxecto que se enmarque nas actuacións subvencionables descritas.
- Cumprir cos requisitos establecidos nas bases reguladoras da convocatoria.
- Estar ao corrente das obrigas tributarias e coa Seguridade Social.
Contía/presuposto: A convocatoria conta cun orzamento total de 8.300.000 €, cofinanciado nun 60 % polo programa Galicia Feder 2021-2027.
Ligazón: DOG 93 do 16/5/2025 – RESOLUCIÓN do 6 de maio de 2025 pola que se dá publicidade do acordo do Consello de Dirección que aproba as bases reguladoras das axudas para a execución de accións de promoción exterior das empresas galegas (Galicia Exporta Empresas 2025), cofinanciadas pola Unión Europea no marco do programa Galicia Feder 2021-2027, e se procede á súa convocatoria para o ano 2025, en réxime de concorrencia non competitiva (código de procedemento IG622A).