Axudas para a primeira adquisición de buques de pesca (PE119A)

Prazo: ata o 05 de febreiro de 2026.

Descrición:
Axudas da Consellería do Mar, cofinanciadas polo Fondo Europeo Marítimo, de Pesca e de Acuicultura (FEMPA), destinadas a tripulantes de buques pesqueiros para promover actividades pesqueiras sostibles, económicas, sociais e ambientalmente responsables. Código de procedemento PE119A.

Beneficiarios:
Persoas pescadoras tripulantes de buques pesqueiros con porto base en Galicia, que cumpran os requisitos establecidos.

Requisitos principais:

• Estar enrolado/a nun buque con porto base en Galicia.
• Non estar incurso/a en causas de inhabilitación ou prohibición para obter axudas públicas.
• Estar ao día coas obrigas tributarias e coa Seguridade Social.
• Non ter pendente de pagamento ningunha obriga por reintegro de subvencións.
• Non ter cometido infraccións graves en materia de pesca.
• Non ter iniciado a actuación antes da solicitude.
• Non ter máis de 40 anos no momento da solicitude.
• Ter traballado polo menos cinco anos como pescador/a ou ter a titulación profesional esixida.
• O buque debe cumprir requisitos técnicos e administrativos (menos de 24 metros de eslora, estar inscrito no rexistro, etc.).
• Manter rexistros contables independentes e conservar documentación durante 5 anos.
• Dar publicidade ao carácter público do financiamento europeo.

Orzamento:

• 100.000 € para o ano 2026 (ampliable se hai crédito dispoñible).
• Cofinanciamento: 70 % FEMPA, 30 % Xunta de Galicia.

Características da axuda:

• Subvención de capital, non considerada axuda de Estado.
• Máximo subvencionable: o menor valor entre o prezo de adquisición e a taxación pericial do buque.
• Intensidade da axuda: 40 % do custo de adquisición.
• Subvencionable: só o custo de adquisición do buque.
• Non subvencionable: gastos de xestoría, rexistro, impostos recuperables, construcións ou importacións de buques, pagos en man ou mediante préstamos de entidades provedoras.

Xustificación e pagamento:

• Xustificación material e documental ata o 30 de setembro de 2026.
• Pago condicionado á realización íntegra do proxecto e cumprimento dos requisitos.
• Presentación obrigatoria por vía electrónica.
• O buque debe estar inscrito en situación de alta no Rexistro de Buques Pesqueiros de Galicia.

Ligazón: ORDE do 10 de decembro de 2025