FOEXGA – Fomento das Exportacións Galegas 2025 (IG422B)

Prazo: Ata o 31 de outubro de 2025 ás 14:00 h
Descrición: O obxectivo principal destas axudas é conseguir a internacionalización real das pemes galegas e propiciar a comercialización dos seus bens e servizos nos mercados exteriores. O Igape publicará na súa páxina web a relación actualizada das entidades colaboradoras adheridas ao programa, que serán as encargadas de programar, organizar e executar as actuacións e actuar de enlace entre as empresas solicitantes. As actuacións que engloban están dirixidas a:
- Aumentar a base de empresas exportadoras.
- Fomentar e consolidar a presenza de empresas galegas nos mercados internacionais.
- Conseguir unha maior diversificación, tanto sectorial coma xeográfica das exportacións, incorporando novos mercados e produtos aos procesos de internacionalización das empresas galegas.
- Difundir a cultura da internacionalización como ferramenta de progreso e competitividade.
Beneficiarios: Empresas que cumpran os seguintes requisitos:
- Cumprir cos criterios de definición de peme.
- Ter domicilio social ou un centro de traballo en Galicia.
- Estar dadas de alta no imposto de actividades económicas no momento da solicitude.
Requisitos:
- As actuacións deben estar aliñadas coas políticas e estratexias en materia de internacionalización.
- As entidades solicitantes deben estar ao corrente das súas obrigas tributarias e coa Seguridade Social.
- As empresas deben participar nas actuacións programadas polas entidades colaboradoras adheridas ao programa.de Formación correspondente.
Contía/presuposto: Subvencións en réxime de concorrencia non competitiva, baixo o réxime de minimis. Programa Galicia FEDER 2021-2027, cunha taxa de cofinanciamento FEDER do 60 %, computándose como cofinanciamento nacional polo 40 % restante, parte de cofinanciamento público do Igape e o investimento privado elixible dos beneficiarios.
Ligazón: Últimas Ayudas