Stolt Sea Farm desembarca en Rianxo. As obras de construción da súa nova planta en Rianxo comezaron hoxe oficialmente cun acto simbólico de colocación da primeira pedra, aínda que a maquinaria xa está a traballar na extensa parcela a pleno rendemento. A empresa, líder no sector da acuicultura terrestre en rodaballo e linguado, elixiu o polígono industrial de Té para centralizar alí o corte e envasado do peixe que cría nas granxas que ten repartidas por Europa. Son un total de catorce (con presenza en Francia, Islandia ou Noruega), sete delas situadas en Galicia.
O presidente da compaña, Jordi Trias, celebrou en lingua galega «o inicio deste proxecto tan emocionante». «Hoxe damos un paso adiante no que representa o compromiso da nosa empresa coa innovación, a calidade e o respecto polo entorno. O noso novo centro de adecuación á primeira venda en Rianxo será unha instalación de última xeración» onde se procederá ao envasado de produtos «da máis alta calidade e sustentabilidade», destacou. «O noso propósito é asegurar que as xeracións futuras sigan a desfrutar de pescados excepcionais», engadiu.
Fonte: La Voz de Galicia
GL_ES 
ES