A directora xeral de Desenvolvemento Pesqueiro, Ángeles V. Suárez, mantivo unha reunión con representantes de Stella Maris para valorar posibles vías de colaboración no ámbito da formación e da asistencia aos profesionais do mar, así como no acompañamento social ás tripulacións. Así, explorouse a posibilidade de impulsar unha formación prelaboral que permita acceder posteriormente aos cursos necesarios para incorporarse á actividade profesional.
Durante o encontro púxose en valor o papel desta organización, que conta coa maior rede mundial de visitas a buques e centros de acollida, con presenza en máis de 350 portos de 54 países, converténdose nun referente internacional no apoio á xente do mar. En Galicia, Stella Maris forma parte do Comité de Benestar Social do Porto de Vigo, onde desenvolve unha importante actividade de atención ás tripulacións.
Fonte: Consellería do Mar
GL_ES 
ES