IG408G – Axudas a startups

Prazo: Ata o 30 de setembro de 2026, ás 14:00 h, salvo que se produza o esgotamento do crédito con anterioridade.

Descrición:

Apoiar o desenvolvemento e a consolidación de startups mediante axudas económicas destinadas a financiar gastos e investimentos vinculados ao desenvolvemento da súa actividade empresarial en Galicia, co obxectivo de impulsar proxectos de emprendemento innovador con modelos de negocio escalables e reforzar o ecosistema emprendedor galego

Beneficiarios:
Poderán ser beneficiarios:

• Startups
• Galegas ou con centro de traballo en Galicia
• Persoas xurídicas que cumpran a definición de startup segundo o artigo 3 da Lei 28/2022, de fomento do ecosistema das empresas emerxentes
• Empresas de nova creación ou cunha antigüidade máxima de:
  • 5 anos, con carácter xeral
  • 7 anos en sectores estratéxicos (biotecnoloxía, enerxía, industrial ou outros de base tecnolóxica)

Requisitos principais:

• Ter a condición de startup no momento da solicitude
• Non distribuír dividendos
• Non cotizar nun mercado regulado
• Ter sede social, domicilio social ou establecemento permanente en España
• Desenvolver un proxecto de emprendemento innovador con modelo de negocio escalable
• Realizar os gastos subvencionables desde o 1 de xaneiro de 2026 ata a data de presentación da solicitude
• Presentar unha única solicitude por convocatoria

Orzamento:

O orzamento total destinado a esta convocatoria é de 1.500.000 euros

Características da axuda:

• Subvención a fondo perdido
• Concorrencia non competitiva, por orde de entrada das solicitudes
• Axuda suxeita ao réxime de mínimis
• A subvención financia gastos e investimentos vinculados á actividade da startup en Galicia

Xustificación e pagamento:

• A axuda concédese para financiar gastos e investimentos directamente relacionados coa actividade empresarial da startup
• Será necesario xustificar a correcta execución e o pago dos gastos subvencionados
• O pago realizarase tras a comprobación da xustificación presentada conforme as bases reguladoras

Ligazón: ORDE do 16 de xaneiro de 2026