Prazo: Ata o 4 de maio de 2026 como 20 días hábiles desde o día seguinte á publicación da convocatoria no BOPPO.
Descrición:
Apoiar ás confrarías de pescadoras e pescadores, á Federación de Confrarías e ás agrupacións de mariscadoras da provincia de Pontevedra mediante subvencións destinadas a financiar investimentos e gastos correntes, co obxectivo de mellorar e garantir a sustentabilidade da actividade pesqueira e marisqueira durante o exercicio 2026, especialmente nun contexto marcado polos efectos dos temporais e a crise do sector nos últimos anos.
Beneficiarios:
Poderán ser beneficiarios:
- Confrarías de pescadoras e pescadores
- Federación de Confradías
- Agrupacións de mariscadoras
Sempre que:
- Estean legalmente constituídas
- Pertenzan á provincia de Pontevedra
- Estean ao corrente das obrigas tributarias e coa Seguridade Social
Requisitos principais:
- Pertencer á provincia de Pontevedra
- Non estar incursas nas prohibicións para obter a condición de beneficiarias
- Presentar a solicitude por medios electrónicos
- Xustificar adecuadamente os gastos subvencionados
- Cumprir coas obrigas de publicidade e difusión do financiamento recibido
- Manter os investimentos subvencionados durante un período mínimo de 4 anos
Orzamento:
O orzamento total destinado a esta convocatoria é de 350.000 euros, distribuídos en dúas liñas:
- Investimentos: 100.000 €
- Gastos correntes: 250.000 €
Características da axuda:
- Subvención a fondo perdido
- Réxime de concorrencia competitiva
- Porcentaxe máxima subvencionable: 80% do orzamento
- Importe da subvención:
- Mínimo: 600 €
- Máximo: 20.000 €
- Compatible con outras axudas, sempre que non se supere o custo total da actividade subvencionada.
Xustificación e pagamento:
- A axuda concédese para financiar investimentos e gastos correntes directamente relacionados coa actividade da entidade beneficiaria
- Será necesario xustificar a correcta execución e o pagamento dos gastos subvencionados
- O prazo máximo de execución remata o 31 de decembro de 2026
- O prazo máximo de xustificación será ata o 31 de marzo de 2027
- O pagamento realizarase mediante transferencia bancaria, tras a comprobación da documentación xustificativa conforme ás bases reguladoras
GL_ES 
ES