A Consellería do Mar fixo efectiva desde o mércores 10 de xuño a tramitación descentralizada das titulacións náuticas de lecer en Galicia. Con este paso conclúe un proceso de reestruturación no que o departamento autonómico viño traballando intensamente, co obxectivo de ofrecer un servizo de maior proximidade e adaptado ás necesidades dos usuarios.
Esta descentralización supoñerá un importante avance na redución dos prazos e unha maior axilidade na resolución dos procedementos de recreo. O volume de actividade deste campo é moi significativo na comunidade, de feito, ao longo do pasado ano 2025 iniciáronse un total de 3.576 expedientes relacionados con estas titulacións. Ademais, as escolas de recreo homologadas expediron 5.551 licenzas de navegación.
Fonte: Consellería do Mar
GL_ES 
ES