Prazo de presentación: 05/09/2026 00:00 – 05/10/2026 23:59 (un mes contado desde o día seguinte ao da publicación da orde no DOG).
A Consellería do Mar convoca para o ano 2026 as axudas destinadas ás persoas armadoras de embarcacións afectadas pola paralización temporal da actividade pesqueira derivada da prohibición de pesca aplicada entre o 22 de xaneiro e o 20 de febreiro de 2026 en determinadas augas do Golfo de Biscaia. Esta medida ten como obxectivo compensar economicamente os efectos da parada obrigatoria establecida para reducir as capturas accidentais de golfiño común (Delphinus delphis) e outros pequenos cetáceos.
Persoas beneficiarias
Poderán ser beneficiarias as persoas armadoras de embarcacións que:
Estean rexistradas como activas no Rexistro Xeral da Frota Pesqueira e no Rexistro de Buques Pesqueiros da Comunidade Autónoma de Galicia.
Realizasen actividade pesqueira durante, cando menos, 120 días nos anos 2024 e 2025.
Teñan porto base en Galicia.
Dispoñan de autorización para algunha das modalidades afectadas pola prohibición.
Requisitos principais
As embarcacións deberán cumprir, entre outros, os seguintes requisitos:
Pertencer á 3ª lista do Rexistro de Buques e Empresas Navieiras.
Ter licenza ou permiso de explotación vixente nalgunha das modalidades afectadas.
Paralizar totalmente a actividade pesqueira durante o período subvencionable.
Permanecer en porto durante a parada, agás excepcións debidamente xustificadas por motivos de seguridade, reparación ou participación en eventos mariñeiros tradicionais.
Presentar a comunicación do procedemento de suspensión dos contratos de traballo da tripulación, cando corresponda.
Estar ao día das obrigas tributarias, coa Seguridade Social e coa Administración autonómica.
Orzamento
O crédito destinado a esta convocatoria ascende a 376.330,46 euros.
O financiamento distribuirase do seguinte xeito:
70 % con cargo ao Fondo Europeo Marítimo, de Pesca e de Acuicultura (FEMPA).
30 % con cargo á Administración Xeral do Estado.
Características da axuda
Trátase dunha subvención en réxime de concorrencia competitiva, dirixida ás embarcacións de máis de 8 metros que desenvolvan actividade mediante as seguintes artes:
Arrastre peláxico (PTM, OTM).
Arrastre de fondo á parella (PTB).
Cerco con xareta (PS).
Redes de enmalle de fondo (GNS).
Trasmallos (GTR).
Redes de enmalle e trasmallo combinadas (GTN).
A parada subvencionable corresponde a 22 días hábiles de actividade pesqueira comprendidos entre o 22 de xaneiro e o 20 de febreiro de 2026.
Criterios de valoración
No caso de que as solicitudes superen a dispoñibilidade orzamentaria, valorarase principalmente:
O nivel de actividade da embarcación na pesqueira afectada durante os anos 2024 e 2025.
A dependencia económica das capturas procedentes da pesqueira do Golfo de Biscaia durante o período 2021-2025.
GL_ES 
ES