O director xeral de Pesca, Acuicultura e Innovación Tecnolóxica, Isaac Rosón, mantivo o 13 de marzo un encontro con representantes da Confraría de Pescadores de Ribeira nas instalacións do depósito co obxectivo de analizar a situación actual do sector e abordar os principais retos que afronta a actividade pesqueira na zona.
Durante a reunión, ambas as partes intercambiaron impresións sobre a evolución da actividade extractiva e o funcionamento dunha das lonxas máis importantes de España e unha das máis relevantes de Europa no ámbito da pesca de baixura. A lonxa de Ribeira recibe descargas de ao redor de 400 embarcacións e conta con 250 compradores acreditados entre almacenistas, retallistas e casas directoras de poxa, xerando ademais actividade para preto de 1.200 persoas entre emprego directo e indirecto.
Fonte: Consellería do Mar
GL_ES 
ES