A conselleira de Mar, Marta Villaverde, reuniu onte os presidentes das federacións provinciais de confrarías, ademais da o da galega para trasladarlles o apoio do Goberno autonómico á súa protesta pola entrada en vigor de novas medidas de control pesqueiro que son «imposibles de cumprir», segundo os profesionales. E de paso díxolles que a Xunta xa presentara alegacións formais no 2024 ao Ministerio de Pesca «advertindo xa daquela das dificultades que a nova normativa ía xerar na frota artesanal e de baixura», asegura nun comunicado. Pero tras mandalas, debeu desentenderse, porque como o resto das organizacións profesionais, non reaccionaron ata que a entrada en vigor das novas medidas estaba xa enriba.
Así é que agora saen á rúa e paran os barcos para que o Goberno central cambie o rumbo e facer todo o que a normativa comunitaria deixou na súa man para flexibilizar esas normas que un barco de baixura non pode cumprir ou, polo menos non sen comprometer a súa rendibilidade e, incluso, a súa seguridade. Porque inseguro é ter que permanecer catro horas —ou dúas e media, como pretende estipular Pesca— agardando para entrar nun porto que teñen a escasas millas. E improdutivo é ter que estar horas dedicando o tempo para apuntar o peso de todo o que se pesca en lugar da pescar.
Fonte: La Voz de Galicia
Mar reclama unhas normas de control adaptadas á flota artesanal galega
GL_ES 
ES