O Consello Regulador do Mexillón de Galicia deu inicio ao proxecto “Vixilancia e Difusión dos servizos ecosistémicos das bateas de mexillón na contorna mariña (SEBAM)”, que ten como fin visibilizar e poñer en valor a contribución ambiental, oceanográfica, social, económica e cultural do cultivo de mexillón en Galicia.
O seu propósito é tamén mellorar o coñecemento sobre os servizos ecosistémicos que proporcionan as bateas, é dicir, os beneficios que esta actividade xera no medio mariño e na sociedade. Desde unha perspectiva de investigación en acuicultura, o proxecto analizará datos ambientais, oceanográficos, socioeconómicos e histórico-culturais para comprender o seu papel como soporte de hábitat, biodiversidade asociada e procesos ecolóxicos.
Fonte: Industrias Pesqueras
GL_ES 
ES