A conselleira do Mar, Marta Villaverde, visitou o 23 de xuño o Centro Tecnolóxico do Mar (Cetmar) no marco dos Diálogos Cetmar, espazos de encontro entre a administración, o sector e a investigación. Na súa intervención, Villaverde destacou o papel central desta entidade na transferencia de coñecemento, a innovación tecnolóxica e o desenvolvemento de solucións aplicadas para os diferentes elos da cadea mar-industria galega. O Cetmar actúa como nexo entre a ciencia e o sector produtivo en áreas como a dixitalización da frota, a trazabilidade do produto, a sustentabilidade medioambiental e a formación técnica especializada.
Esta visita enmárcase na estratexia da Consellería do Mar de reforzar o “futuro azul” de Galicia, que aposta por combinar a tradición pesqueira galega coa innovación tecnolóxica e a adaptación aos novos retos da descarbonización e a sustentabilidade. O Cetmar xestiona tamén o Centro A Aixola e asesora en materia de acuicultura, marisqueo e novas tecnoloxc�as aplicadas ao sector.
Fonte: Consellería do Mar (Xunta de Galicia)
GL_ES 
ES