A conselleira do Mar participou na inauguración do «26º Congreso AECOC de Productos del Mar», celebrado en Baiona, un evento de referencia que reúne a empresas de toda a cadea de valor do sector mariño. Villaverde distinguiu a Galicia como a “principal potencia marítimo-pesqueira de Europa” e destacou que a fortaleza dos produtos galegos reside na súa calidade recoñecida e o seu carácter saudable, respaldados por selos como Pesca de Rías, Galicia Calidade ou a DOP Mexillón de Galicia.
A conselleira subliñou tamén a necesidade de “seguir apostando pola formación, a innovación e a captación de talento” para garantir o futuro do sector. A colaboración da Consellería do Mar na organización do congreso desde 2014, con cofinanciamento europeo, reflicte o papel da administración galega como interlocutora activa da industria pesqueira e de transformación en mercados nacionais e internacionais.
Fonte: Consellería do Mar – Xunta de Galicia
GL_ES 
ES