A Consellería do Mar da Xunta de Galicia puxo en valor os “resultados excepcionais” alcanzados na actual campaña de volandeira en Galicia, que rexistrou datos marca con 1,8 millóns en primeira venda e 424 toneladas desembarcadas. É a mellor campaña da serie histórica, como destacou a directora xeral de Desenvolvemento Pesqueiro, Ángeles V. Suárez, no porto de Cambados, onde se concentra a maioría das capturas. En concreto, na actual campaña, este porto consolidouse como “o gran referente galego” en volandeira, con 315 toneladas do total. “É practicamente o 75% do total”. Suárez destacou, ademais, o “impulso vital” que supón este recurso para os 473 profesionais que integran a confraría, que pechou 2025 cunha facturación de máis de 7 millóns de euros grazas á comercialización de 1.000 toneladas de produto.
Fonte: Industrias pesqueras
GL_ES 
ES