A conselleira do Mar, Marta Villaverde, asinou os convenios de colaboración coa Federación Galega de Confrarías de Pescadores e coa Federación Provincial de Confrarías da Coruña. O acordo destina un total de 293.000 euros co obxectivo de fortalecer a capacidade técnica, organizativa e operativa de ambas entidades, piares do sector pesqueiro galego. (…)

A directora xeral de Desenvolvemento Pesqueiro, Ángeles Vázquez Suárez, reuniuse en Vigo con representantes da Asociación de Marisqueo a Flote Ría de Vigo e da Confraría de Baiona, no marco da cogobernanza co sector. O encontro abordou o estado actual dos bancos marisqueiros da ría, moi afectados polos temporais de choiva do pasado inverno, e avaliáronse diferentes opcións de xestión para garantir a súa sostibilidade e permitir a recuperación das especies. (…)

A conselleira do Mar, Marta Villaverde, e o presidente da Federación Provincial de Confrarías de Pontevedra, José Manuel Rosas, formalizaron un convenio de colaboración por valor de 141.000 euros. Os fondos están destinados a reforzar o funcionamento desta entidade sectorial, que agrupa ás confrarías de pescadores de toda a provincia de Pontevedra, e a impulsar investimentos, seguimento ambiental e formación. (…)